茶餐廳2.0 (Closed)

喺愉景新城入面，餐廳都算有質素，裏面嘅茶餐廳都特別啲，呢間茶餐廳2.0，究竟2.0發揮咩作用？好，坐低睇吓有咩好食先。用膠袋遮住餐具，都幾有創意，起碼感覺衛生啲。晚餐羅宋湯，隻碗夠高身，羅宋湯夠濃郁，多雜菜，唔錯。石鍋紅酒燴牛尾飯，上枱嘅時候個汁仲卜卜跳，香味滲出嚟。少少紅酒未加鹹中帶甜嘅醬汁，牛尾炆到超腍，仲要大大嚿，抵食夾大件。黑松露帶子雜菌意大利飯，雖然呢個意大利飯唔似西餐，但食到港式西餐嘅味道，都幾特別。落咗紅椒、黃椒，有少少炒飯嘅感覺，飯粒食落又煙韌，都幾好食。跟餐仲有飲品。叫咗個朱古力心太軟試吓，食完飯有啲甜品食下，都幾滿足㗎！