吉吉點 (Closed)

今日假日有個住係觀塘既朋友佢帶左我黎呢間點心舖食。相信真係只有街坊先識黎，因為佢係街市旁既小巷裏面。但入到去好光鮮，好明顯係新式點心舖，依家啲新式點心舖好似手工啤酒咁周圍都有一兩間。潮流興fusion，點心都要革新!咸水角都加入左芝士，芝味濃。又香又濃，外脆內軟，外皮煙韌。咬開一半，你會見到裏面粒粒肉粒都有芝士包圍，芝味滿滿。一盎兩件既歲月已經過左，但無阻我地叫飯食既決心。意外地，個飯好大碗。章魚雞粒都好多，好足料!好彩兩個人黎，但同女生黎要量力而為啊!最後重叫左蝦餃，但佢唔係普通既餃，係鮮蝦蒜蓉餃。蝦肉係好彈，蒜蓉好香，但唔會太濃味太搶，不過餃皮唔夠晶瑩剔透，要比心機啊!睇好你地。