8號茶居 (宏業南街) (Closed)

住元朗好友推薦8號茶居話點心超大碟又美味，餐廳裝潢明亮整潔，座位闊落，環境舒適，茶芥$5、免加一👍👍我們點左8號蝦餃皇$19，二粒一籠超大隻，蝦餃皮晶瑩通透，蝦仁爽口，味道鮮。鮮蝦菜苗餃$19，蝦肉鮮、豆苗嫩滑，餃子皮煙韌，真好吃😋😋鴛鴦鮮蝦網米腸 $35，外層的腸粉軟滑、中層炸得脆脆的網米，內層爽口的蝦肉，多重口感極美味😍😍雞蛋牛肉腸$29，厚厚的腸粉包住滑牛肉，勁大碟真抵食。海苔鮮蝦腐皮卷$28，香脆可口。剁椒田雞飯$59，勁大隻田雞腿，肉質鮮美，飯粒爽口。總結：價格親民，大碟好食又抵食，一定回頭再吃。