金功夫點心火鍋 (Closed)

今日和太太往金功夫點心火鍋食lunch, 有蝦餃, 蟹粉魚翅餃、陳村粉蒸排骨、帶子腸粉、蘿蔔糕、酥皮焗叉燒飽、滑雞鯇魚粥、鮮腐竹浸菜心和酸梅湯。蝦餃今日特價$1一粒, 每人點兩粒, 我們兩人點四粒, 蝦餃蝦肉好新鮮彈牙, 皮好薄, 皮薄餡靚；蟹粉魚翅餃, 魚翅餃蟹粉好香, 配上蘿蔔絲和朱肉帶出蟹粉鮮味, 好味；陳村粉蒸排骨, 排骨煮得入味, 好腍, 汁配上陳村粉食落好清新爽口；帶子腸粉帶子陳鮮爽口, 腸粉拉得好滑, 食落不油膩；蘿蔔糕煎得香口, 但略嫌質感不太實, 一夾就散, 臘腸粒和蝦米份量較少, 令蘿蔔糕美中不足；酥皮焗叉燒飽菠蘿包皮焗得香脆, 叉燒餡肉汁鮮甜, 兩者好夾好好食；滑雞鯇魚粥粥底好綿, 雞全是去骨雞肉, 好鮮嫩和好有雞味、魚肉鮮甜好滑, 整個粥都好好食；鮮腐竹浸菜心腐竹好滑爽口, 菜心鮮甜新鮮, 湯底好清甜好入味；最後酸梅湯夠凍, 甜度適中、好好飲好解喝, 酒樓座位舒適, 點心美味,食物好味, 值得再來。