香江花月 (利舞臺廣場) (Closed)

閨蜜生日去銅鑼灣行街，跟住過嚟呢個有懷舊特色嘅香江花月食下午茶，店內裝潢復古典雅，有唔少打卡位。兩個人叫咗一個炒麵、三個點心，洋甘菊茶清香滲逸，解渴潤喉。香脆豉油王炒麵炒麵條條香脆，配搭銀芽、韭黃，面頭灑上芝麻，十分惹味，口感一流。杏汁金魚餃賣相精緻，猶如金魚暢泳，蝦餃皮薄有韌性，餡料蝦肉新鮮爽脆，杏汁幼滑，加上食用花，又靚又美味！紅袍荔枝荔枝造型可愛，非常相似，外皮粒粒係脆米，鬆脆軟糯，餡料係奶黃，新鮮出爐熱辣辣，口感外脆內軟姬松茸鮮竹卷揭開盅蓋香氣逸出，數條姬松茸呈現眼前，新鮮腐皮包爽口餡料，口感軟滑，味道鮮香，湯汁清甜可口。兩個人食飽飽，一致認為可以再來。