由點心、巧手小炒、以至甜點，一應俱全
牛牛手袋酥
好精緻，個樣好似真既手袋
食落好酥脆，幾香口
燕窩蛋撻
聽落好高級好矜貴嘅蛋撻
開頭以為淨係得燕窩，點知係蛋撻上面有燕窩
食落燕窩甜甜地，配搭埋蛋撻估唔到都幾夾
雪影金腿叉燒包
外皮香脆甜甜的，賣相好睇又好食
家鄉咸水角
做到好似啤梨嘅樣，似模似樣
食落係傳統鹹水角味道
極品鮑魚雞粒酥
真係食一粒都好滿足，一大粒嘅原隻鮑魚放喺雞粒酥上面成件事好矜貴，鮑魚味道香，口感彈牙，配雞粒酥冇違和感
鮑魚燒賣
粒燒賣又係好矜貴，雖然得一粒燒賣，但有一整粒嘅鮑魚，口感彈牙味道香
1
金獎熊猫粉果 (每件)
蒸籠仔放咗熊貓粉果，佢個熊貓賣相真係好搞笑
值得打卡
脆網皮海皇腸粉
好鍾意食網腸，原因係因為有我最鍾意食嘅蝦，同埋香脆，嚟到嘅時候自己再添加豉油，好好食
櫻花蝦紫菜瑤柱蛋白炒飯
超鍾意食瑤柱蛋白炒飯，份量唔少仲要炒到好睇又香，好睇又好食
當天去到嘅時候可以任揀位置，而且坐得好舒服
整體食物質素，環境，服務都好唔錯
最令我詫異嘅係雖然員工唔係年青人，但係服務真係好好，真係有少少意外
