Video
Read full review
2020-06-17
450 views
點心放題 HKD188 (另加一)日式放題、火鍋放題就食得多，今次試下點心放題啦，平日愈多人嚟仲會有折添！.一坐低店員就送上豉油雞翼同燕窩蛋撻，叫點心放題就會送㗎啦。豉油雞翼色水夠，但食落就未夠入味。燕窩蛋撻的的骰骰，迷你得嚟都幾足料，一大啖燕窩係蛋撻上面，蛋撻係👨🏽🦱👩🏻鍾意嘅牛油皮。.我哋都係叫啲大路嘢，好似海蝦脆春卷、瑤柱鮮蝦菜苗餃、香煎蘿蔔糕等等。當中比較有印象嘅可以同大家分享下：.蛋煎糯米雞 - 岀面好少見，但味道唔算特別，中規中矩.豉油皇炒腸粉 - 同字面上一樣，只得腸粉😐，無特別都應該係佢嘅特別之處.斑蘭欖仁馬拉糕🥧 - 👨🏽🦱覺得幾有斑蘭味，食落清香，幾特別，可以一試.小黃瓜紅油抄手 - 抄手嘅皮有啲厚，麻麻哋.黑蟹子小籠包 - 爆汁小籠包，我哋仲encore咗一籠🤤.金黃鮮肉窩貼 - 好大隻，煎得好香脆，但我哋食到尾聲先上🤰🏻.薑蔥牛柏葉 - 好味，夾埋薑蔥味其實幾消滯.其實仲有鮮蝦雲吞麵、鳳爪排骨蒸飯、雪影金腿叉燒包(依個好似幾吸引)、腸粉、甜品(有楊枝甘露！)等。但我哋食咗十幾個點心已經飽晒，其他就留俾大家去試啦。點心選擇唔算多同特別，睇返價錢，一個單點點心都
日式放題、火鍋放題就食得多，今次試下點心放題啦，平日愈多人嚟仲會有折添！
.
一坐低店員就送上豉油雞翼同燕窩蛋撻，叫點心放題就會送㗎啦。豉油雞翼色水夠，但食落就未夠入味。燕窩蛋撻的的骰骰，迷你得嚟都幾足料，一大啖燕窩係蛋撻上面，蛋撻係👨🏽🦱👩🏻鍾意嘅牛油皮。
.
我哋都係叫啲大路嘢，好似海蝦脆春卷、瑤柱鮮蝦菜苗餃、香煎蘿蔔糕等等。當中比較有印象嘅可以同大家分享下：
.
蛋煎糯米雞 - 岀面好少見，但味道唔算特別，中規中矩
.
豉油皇炒腸粉 - 同字面上一樣，只得腸粉😐，無特別都應該係佢嘅特別之處
.
斑蘭欖仁馬拉糕🥧 - 👨🏽🦱覺得幾有斑蘭味，食落清香，幾特別，可以一試
.
小黃瓜紅油抄手 - 抄手嘅皮有啲厚，麻麻哋
.
黑蟹子小籠包 - 爆汁小籠包，我哋仲encore咗一籠🤤
.
金黃鮮肉窩貼 - 好大隻，煎得好香脆，但我哋食到尾聲先上🤰🏻
.
薑蔥牛柏葉 - 好味，夾埋薑蔥味其實幾消滯
.
其實仲有鮮蝦雲吞麵、鳳爪排骨蒸飯、雪影金腿叉燒包(依個好似幾吸引)、腸粉、甜品(有楊枝甘露！)等。但我哋食咗十幾個點心已經飽晒，其他就留俾大家去試啦。點心選擇唔算多同特別，睇返價錢，一個單點點心都要$30-50，定價比岀面貴，我哋計返係度食放題絕對抵過叫單點點心，除非係去食單點點心，否則亦唔太建議食放題。
.
另外，餐廳乾淨企理，但人客唔多都有漏單情況，希望可以改善。
.
Follow us on ig - Foodastics
Post
