正點心 (Closed)

放左工係屋企附近搵野食, 知道美孚開左呢間點心店,裝修幾乾淨同光猛, 感覺唔錯!諗住黎飲下夜茶食下點心~原來夜晚食無點心食既, 不過一場黎到就試下小菜~2個人叫左2個餸2個飯, 200蚊左右~椒鹽黑豚肉排都幾大碟, 每人都食左好幾舊, 又大舊, 同埋幾香口, 椒鹽味唔會太勁太咸, 好食~紅燒豆腐都幾滑, 唔會好勁生粉芡, 又夠味, 唔錯!食物係唔錯, 不過一心想試點心, 下次LUNCH黎試埋佢既點心先!