包點達人 (電氣道)

Open Now

Now Closed

外賣點心我一向食開唐記包點，經過左呢間點心鋪好多次，因為佢嘅裝修比較一般，我都冇乜特別諗過去食。但係見到佢每次經過佢都排晒長龍，好多人買，我心諗差極都有限，就俾次機會佢啦。點知一試之下，原來排晒長龍係真係有佢嘅原因嘅，叫咗幾樣點心，包括山竹牛肉、鹹水角、蘿蔔糕、同埋馬蹄糕，每一樣雖然唔可以話驚為天人，但係都味道好好。尤其是而家出邊已經好難搵到有馬蹄糕食，呢樣嘢值得加分。仲有一樣最重要嘅就係，佢嘅價錢真係好平，基本上$20左右已經可以食到飽飽仲要好好味嘅一餐。