今次又去左大鴻輝搵食，揀咗12樓嘅常滿百家菜，十分傳統嘅港式酒樓
成人$215/1位，主打火鍋放題無限時、任食點心、任飲啤酒🍻
火鍋湯底有十多款嘅選擇，晚市重可免費升級羊腩煲或冬瓜盅火鍋。而我就揀咗冬瓜盅火鍋，湯底清甜多料，唯一唔好處就係要等個冬瓜煲腍咗，先可以用把刀切開，才有更多空位落其他火鍋配料🤣🤣
火鍋配料可以去自助區拎或填紙仔，雖然唔算特別多款式，但食材全部都好新鮮整潔，食落好放心，特別係海蝦，上到枱都重識郁
點心同樣出色，燒賣、蝦餃、牛肉球等，將近20款既點心任點任食，由於係即叫即整，所以等嘅時間會比較長，建議第一輪點心上完後，就要叫第二輪🤣。最欣賞係呢度嘅燒賣，大大粒，皮薄餡靚
熟食方面，自助區大約有十款，正正常常。最驚喜係8點多鐘時有片皮鴨拎，排隊每份有兩塊片皮鴨同皮，然後再去拎青瓜同醬包嚟食👍🏻，所以記得留意住自助區有冇新嘢出，隨時有驚喜😂
飲品多數以樽裝為主，可樂、雪碧、啤酒，仲有好少會見到嘅樽裝維他奶，一切都真係好舊式好傳統😆甜品就有雪糕、啫喱、番薯糖水等
