Video
Read full review
2017-11-16
197 views
👫經常同唔同卡通人物合作嘅點心店，今次以海綿寶寶為主題，推出一系列嘅素食，連甜品都係半糖，夠曬健康！而女朋友👱🏻♀️係派大星迷（所以偏心叫曬派大星嘅嘢食🤤），緊係唔會錯過呢次機會嚟打卡影相同食好西啦🙆🏻♀️∞ 主食類 ∞#三兄弟素蝦餃 <$49/3隻>個人覺得呢個最伏，賣相係幾得意，但食落塊蝦餃皮又厚又無味，好難食，而且啲素蝦同蘆筍食落好怪，無咩口感😫#奶黃流沙包 <$49/2隻>一籠有兩件，餡料用咗鹹蛋黃、好立克粉、煉奶同植物牛油🤗 👱🏻♀️係派大星個肚吉左一個窿，用手禁極都唔流心，好失望🙍🏻，而且冇傳說中嘅鹹蛋粒粒，但食落味道唔錯（👱🏽♂️話奶黃包好難會整到難食喎🤨），夠曬熱，值得一試嘅🤔#青芥素魚柳包 <$69>有漢堡有薯條已經好吸引，估唔到味道比預期中更好！雖然個包細細個，但加埋啲薯條，一個人食完都幾飽下㗎😳 包外皮有烘過，咬落脆脆地，魚柳炸得都幾脆幾硬身，食落好香，但就無咩芥末味，一啲都唔辣🧐∞ 飲品類 ∞#原個西瓜特飲 <$49>👱🏽♂️拎西瓜蓋個陣唔小心成塊跌左落個飲品到😂 大家飲之前最好小心啲拎！ 👱🏽♂️
經常同唔同卡通人物合作嘅點心店，今次以海綿寶寶為主題，推出一系列嘅素食，連甜品都係半糖，夠曬健康！而女朋友👱🏻♀️係派大星迷（所以偏心叫曬派大星嘅嘢食🤤），緊係唔會錯過呢次機會嚟打卡影相同食好西啦🙆🏻♀️
∞ 主食類 ∞
#三兄弟素蝦餃 <$49/3隻>
個人覺得呢個最伏，賣相係幾得意，但食落塊蝦餃皮又厚又無味，好難食，而且啲素蝦同蘆筍食落好怪，無咩口感😫
#奶黃流沙包 <$49/2隻>
一籠有兩件，餡料用咗鹹蛋黃、好立克粉、煉奶同植物牛油🤗 👱🏻♀️係派大星個肚吉左一個窿，用手禁極都唔流心，好失望🙍🏻，而且冇傳說中嘅鹹蛋粒粒，但食落味道唔錯（👱🏽♂️話奶黃包好難會整到難食喎🤨），夠曬熱，值得一試嘅🤔
#青芥素魚柳包 <$69>
有漢堡有薯條已經好吸引，估唔到味道比預期中更好！雖然個包細細個，但加埋啲薯條，一個人食完都幾飽下㗎😳 包外皮有烘過，咬落脆脆地，魚柳炸得都幾脆幾硬身，食落好香，但就無咩芥末味，一啲都唔辣🧐
∞ 飲品類 ∞
#原個西瓜特飲 <$49>
👱🏽♂️拎西瓜蓋個陣唔小心成塊跌左落個飲品到😂 大家飲之前最好小心啲拎！ 👱🏽♂️覺得西瓜汁勁難飲！又唔甜又好似溝淡左咁，好伏！
#桃味特飲 <$39>
👱🏻♀️飲呢杯覺得酸酸甜甜咁，幾開胃，面頭有一塊派大星曲奇，好得意，食落偏甜～仲有兩舊香桃水果可以食，但飲到最後就無咩味，可能係啲冰溝淡左，建議大家可以叫少冰🙆🏻♀️
∞ 甜品類 ∞
#草莓啫喱 <$49>
啫喱用咗新鮮水果配北海道3.6牛奶，雖然半甜，但食落都好甜下，同香桃飲品一樣有一塊派大星曲奇❤️
#牛油蛋撻 <$49/2隻>
撻上面鋪左各一塊曲奇（係章魚哥同派大星呀😍），曲奇食落無乜特別，比較偏甜同偏硬身～而撻有啲流心同鬆化，食個陣要小心啲，一啖一個嘅Size食落覺得有啲唔抵，味道都係普普通通咁🙁 👱🏽♂️👱🏻♀️食後感：呢間餐廳賣點係啲卡通，食物質素比較差，而價錢真係偏貴，👱🏽♂️👱🏻♀️食左差唔多$400都唔夠飽🤦🏻♀️ 總括嚟講食嘅都係得意嘅賣相，建議大家影多啲相值回票價🙆🏻♀️
🗣：只要惠顧滿$300即送海綿寶寶或派大星杯墊，落單一定要一人一杯野飲，如果要茶就要另外加茶位費$10/位💫 人均最低消費$50，繁忙事段用餐時間限時為60分鐘，以入座時間開始計算～同埋奶黃流沙包餐廳講到明「唔流包換」😂，BTW驚淨係食海綿寶寶素食點心唔夠飽，仲有其他肉類點心供應㗎😋
*10% Service Charge*
Post
