緣味小聚 (金百利廣場) (Closed)

我見佢呢度點心款式雖然不多，但都有啲新鮮款，花旗參湯蝦餃皇令我有驚喜，花旗參湯嘅甘甜配上蝦餃嘅鮮美，特別得嚟又幾MATCH。牛肉球：不過不失。黑糖蜂巢糕：口感軟糯，黑糖香味重。宮廷棗皇糕：我一向都喜歡食棗皇糕，覺得唔會好似年糕咁死甜，又有棗嘅清甜，口感煙煙韌韌，好味。椒鹽雞軟骨：食咗太多甜嘢，於是叫咗個小菜，食下炸嘢開心係雙倍！價錢除咗花旗參湯蝦餃皇稍微貴少少之外，其他點心都只係十幾蚊到二十零蚊之間，價錢都幾抵下。