Pizza Maru (Closed)

商店大減價又黎LU，係呢個場血拼完又係時候開餐，就係水牌搵下有咩想食，比我地發現呢間我地呢D哈韓族，對於韓菜當然無抗拒之力，呢間主打薄餅炸鷄，場內不斷播住K POP MTV，吸睛呀.............見枱上有個春日意大利飯/粉推介，每樣2款，賣相吸引4款之中選擇呢客香煎帶子紅菜頭忌廉意大利粉 ($165)，粉紅色嘅意大利粉配上微金黃色嘅帶子，顏色配搭已經吸引眼球略煎香嘅帶子口感柔滑，味道帶點自身甜味; 而加入紅菜頭汁整成嘅意大利粉，變身粉紅色立即增加可愛度，而每條意粉都沾滿香滑忌廉汁，食起黎唔會乾身，仲有磨菇片及松子仁嘅口感，唔會令人有好膩嘅感覺!呢度嘅特色綠茶薄餅，麵團主要成分為綠茶，小球藻以及12種天然穀物，混合後低溫發酵至少24小時，仲得到國家專利，既然有賣點，咁就要叫個試下!係咁多款薄餅中，對呢個江南牛仔 ($128/9吋)下注，材料包括有牛小排， 火腿，牛排醬，燈籠椒，芝士，紫洋蔥，磨菇及炸芋片，配合蕃茄醬底邊位焗至金黃色帶少少脆位，材料多再唧上沙律醬，口感同味道相當豐富拎起時有少少拉絲效果，餅身口感帶點煙韌，牛小排口感帶少少嚼口，配埋火腿一齊食又唔會好肉膩; 餅底厚薄