Video
Read full review
2018-07-06
33 views
今日經朋友介紹，嚟到呢間新開唔夠一個月嘅日本餐廳，佢同我講，呢間餐廳專門食豬既各部份。第一次聽到，有啲疑惑，如果唔鍾意食豬肉，或者唔想全部食肉的話，到底會唔會冇嘢食？結果我嘅擔心係多餘嘅，雖然話係豚肉專門店，依然有美味又新鮮嘅刺身，仲有牛肉、海鮮同各款日式小食，只要你有胃口，的確可以無限盡嘆！新開業，七點幾已全場爆滿！利害！前菜係蒜蓉醋汁蕃茄28元。當沙律食都唔錯！當然，都係要叫個招牌MokuMoku 沙律先夠本。豚肉、野菜、蒟蒻粒，新鮮又清新。食日本野，點都係要叫個刺身先安樂。五款刺身盛298元。有海膽、牡丹蝦、帶子、三文魚、劍魚，全部厚砌加新鮮，滿分！滿足完刺身，我地叫左 “京姫匠” 純米大吟釀清酒78元一杯，呢支清酒好純，好易入口，清清甜甜，好易入口，女仕都會好中意。味噌煮日本蘿白、魚餅、蒟蒻，食上去有啲似關東煮，但係關東煮不用味噌，呢渡用味噌煮，更添風味！另外一個風味之作，係我極度中意既味噌煮豬手 36元，港式用豉油整，日式用味噌整。味噌除咗香之外，做得非常之入味。而且豬手煮得好淋，輕易就可以將皮肉分離，豬皮充滿膠質，好食到想encore！跟住試左上等豬脷串38元，薄砌豬脷，好
第一次聽到，有啲疑惑，如果唔鍾意食豬肉，或者唔想全部食肉的話，到底會唔會冇嘢食？
結果我嘅擔心係多餘嘅，雖然話係豚肉專門店，依然有美味又新鮮嘅刺身，仲有牛肉、海鮮同各款日式小食，只要你有胃口，的確可以無限盡嘆！
新開業，七點幾已全場爆滿！利害！
前菜係蒜蓉醋汁蕃茄28元。
當沙律食都唔錯！
當然，都係要叫個招牌MokuMoku 沙律先夠本。
豚肉、野菜、蒟蒻粒，新鮮又清新。
食日本野，點都係要叫個刺身先安樂。
五款刺身盛298元。
有海膽、牡丹蝦、帶子、三文魚、劍魚，全部厚砌加新鮮，滿分！
滿足完刺身，我地叫左 “京姫匠” 純米大吟釀清酒78元一杯，呢支清酒好純，好易入口，清清甜甜，好易入口，女仕都會好中意。
味噌煮日本蘿白、魚餅、蒟蒻，食上去有啲似關東煮，但係關東煮不用味噌，呢渡用味噌煮，更添風味！
另外一個風味之作，係我極度中意既味噌煮豬手 36元，港式用豉油整，日式用味噌整。
味噌除咗香之外，做得非常之入味。而且豬手煮得好淋，輕易就可以將皮肉分離，豬皮充滿膠質，好食到想encore！
跟住試左上等豬脷串38元，薄砌豬脷，好爽口，值得一試！
林檎紅薑豬肉卷 34元
要講特色，呢個林檎紅薑豬肉卷真係好特別。林檎蘋果燒過後依舊爽脆，而且帶有梨香，好特別。
今次食左 MokuMoku, 價錢唔貴，食物多樣化，特別係可以試到好多新款豚肉串燒，值得推薦。
Post
