掂檔車仔麵 (Closed)

一見到心諗︰咩車仔麵叫自己做掂檔咁威呀？我就入黎試下你！睇完餐牌發現，咦！仲有其他野食嘅！一眼就俾佢個秘製豬手同鮑汁鳳爪撈吸引左，睇多兩睇仲有海南雞飯！另外當然要食番車仔麵啦，仲叫左d小食食下陳醋黑木耳夠酸夠入味車仔麵魷魚夠彈牙，豬皮夠林，豬腸洗得夠乾淨，冬菇大大隻，不得不提佢個不見天！名就係豬頸肉，但食落完全無左平時嘅肥膩感，仲要入口溶溶地咁，真係好驚喜！海南雞飯碟頭大，跟番傳統3款汁仲有青瓜，可惜椰香飯賣曬，無緣！整體黎講，的確比想像中多選擇同好！