咖啡弄 (Closed)

1:15pm 去到尖沙同咖啡弄唔駛排隊, 仲大把位! 唔知同職員態度惡劣有無關係呢? 即係呢, 我唔係要你笑面迎人, 談笑風生, 只希望唔好黑面! 鬆餅如常超級厚, 但勁實, 食一件已經好滯! 可以改名叫厚餅而唔係鬆餅! 玉米尼肌起司可頌 ~ 呢個超好食, 份量大大的! 牛角包鬆脆, 芝士味香濃, 有大量生菜沙律! 最讚係旁邊既沾醬, 堅好味! 芝麻咖啡 ~ 初時以為好特別, 點知原來係一杯咖啡上放一團勻有芝麻既 cream, 而呢堆 cream 係唔會溶既! 即係飲 cream 飲咖啡…一份鬆餅, 一份牛角包, 2 杯飲品 = $240, 合理價錢! 註: 漏單就認啦, 超碼我哋有時間預算! 我哋落左 order 隔離枱先入坐, 到隔離枱食完我哋碟牛角包都未到! 問個黑面侍應係咪漏單定仲要等幾耐, 佢粒聲唔出走左去, 你去 check 都同我哋講聲丫, 我點知你有冇聽到呢?  差到一個點!