黑鉄屋 (Closed)

大路款豚骨味湯底.一望湯底就覺得佢淡,店員特意交待要將辣肉醬溝均湯底先好食,不過我無視左佢哩個建議,因為我想試清楚個湯底.飲落果然無錯,係好淡,再跟佢建議將辣肉醬溝均湯底,再飲一啖,都係一樣好淡,只係多左D辣肉味,湯底十分遜色!!!意外0既係配料反而係出色0既,叉燒兩大塊,好厚好大而且燒得好香,層次分明,一層瘦一層肥,食落相當有口感,好少叉燒有咁既份量.另外流心蛋相當出色,充滿醬油味而且好流心.不過,一碗拉麵湯底係靈魂,如果湯底唔得,其實好食極有限,所以希望此店盡快改善湯底,唔好浪費左D咁出色0既配料.最後哩間野竟然夠膽收加一(原價$88,加一後$96.8),基本上佢完全無服務可言,對哩個加一十分反感!!!