珍煮丹 (Closed)

呢排成日落雨，終於比我等到陽光普照嗰一日啦，因為可以瘋狂行街shopping，補返之前Work From Home嗰種失落感！行到咁上下，朋友建議不如飲下黑糖類既台式飲品，貪唔洗又去便利商店飲嗰啲咁悶同埋可以揀返岩自己既糖度！講起黑糖，就一定諗起珍煮丹啦，話哂係台灣都開到成行成市。經過我地商討下，就揀左黑糖珍珠厚鮮奶同黑糖仙草鮮奶，都係比較上傳統既台式選項，順便又當自己去左次台灣，嘻嘻！首先，台式飲品又點會少得珍珠呢個選項呢？我覺得珍珠除左要夠彈牙外，仲要係夠足料，咁先可以令顧客過足癮！珍煮丹係呢方面做得相當唔錯，一咬落去就知係每日新鮮煲出黎，仲要同黑糖混合得剛好，又唔會係嗰種死甜又又帶到黑糖嗰種甜味，抵讚！其次，仙草都做得相當不錯👍🏻因為好多人都怕仙草會有一種偏藥材味，但珍煮丹不但整到嗰種藥材味唔會太出而又可保留傳統仙草嗰陣口感同味道。最後，店舖內既防疫措施做得相當不錯，除左員工正確地佩帶口罩外，無論枱面及收銀位都見唔到任何污漬，並係取飲品處仲提供酒精搓手液，令到顧客都十分放心！