Video
Read full review
2020-09-17
79 views
今日係尖沙咀做完野就黎食龍門冰室，我地今日比較肚餓，叫左兩份餐再加個菜。至尊海鮮鐵板餐（$110）份量大到應該兩個人食！兩大塊龍利柳，兩粒彈牙嘅蝦球，兩隻無雪藏味嘅青口，仲有兩粒大概五毫子size嘅帶子，仲未計極大份量嘅意粉！真係地盤佬都可能飽到投降🤣。魚柳煎過係特別脆，而且肉都幾厚身，真心食唔曬。餐湯係食物研究所嘅粟米湯，忌廉嘅含量唔多，整體粟米原味較重，係個幾健康嘅餐湯。常餐（$48）揀左配美味雜菇烏冬，黑松露雜菌芝士玉子，奶醬多。黑松露味真係好突出，配合芝士同蛋簡直係絕配！雜菌係冬菇蘑菇雞髀菇，平衡番啲肉類，真係不得了，感覺自然又健康。芝士焗西蘭花（$30）啲西蘭花夠熟，上面嘅芝士亦適量，唔會硬曬一層皮咁，主要係芝士汁，鹹鹹地又creamy。飲品我地就揀左紅豆冰（+$7）同熱檸水，正正常常啦。最後發揮我地食物焚化爐嘅功力都係食唔曬😔🤪
至尊海鮮鐵板餐（$110）
份量大到應該兩個人食！
兩大塊龍利柳，兩粒彈牙嘅蝦球，兩隻無雪藏味嘅青口，仲有兩粒大概五毫子size嘅帶子，仲未計極大份量嘅意粉！
真係地盤佬都可能飽到投降🤣。魚柳煎過係特別脆，而且肉都幾厚身，真心食唔曬。
餐湯係食物研究所嘅粟米湯，忌廉嘅含量唔多，整體粟米原味較重，係個幾健康嘅餐湯。
常餐（$48）
揀左配美味雜菇烏冬，黑松露雜菌芝士玉子，奶醬多。黑松露味真係好突出，配合芝士同蛋簡直係絕配！雜菌係冬菇蘑菇雞髀菇，平衡番啲肉類，真係不得了，感覺自然又健康。
芝士焗西蘭花（$30）
啲西蘭花夠熟，上面嘅芝士亦適量，唔會硬曬一層皮咁，主要係芝士汁，鹹鹹地又creamy。
飲品我地就揀左紅豆冰（+$7）同熱檸水，正正常常啦。
最後發揮我地食物焚化爐嘅功力都係食唔曬😔🤪
Post
