鶴亀 (Closed)

之前睇網媒介紹呢間拉麵沾麵店，記得網媒拍既嗰一段video 最令我覺得吸引既地方係竟然有黑松露慢煮安格斯牛沾麵，見到之後好想嚟食，所以今次約埋朋友嚟到尖沙咀食。我本身係鍾意黑松露，鍾意沾麵，但最鍾意係食牛肉，哈哈，所以點解我對呢個組合有興趣。呢間食店位於尖沙咀漢口道同亞士厘道連接既橫街，都算易搵，尖沙咀站出嚟行幾分鐘就到。朋友既櫻花蝦拉麵($93)。我就當然叫左今次嚟呢間食店既主角，黑松露慢煮安格斯牛沾麵 ($188)。沾麵當然揀冷麵，麵條亦有得揀軟硬度，我亦當然揀硬身既麵條。沾湯內亦有一隻帆立貝。黑松露慢煮安格斯牛沾麵，主角之一既安格斯牛經過慢煮，我覺得安格斯牛既質感幾軟腍。