真鮨 (Closed)

推薦指數：🤩🤩🤩🤩朋友介紹黎食MOSHI~ 水準都幾好唔錯喎~我地單點左幾款壽司 , 油甘魚腩同左口魚都相當新鮮肥美, 但三文魚腩都相對有少少失望~ 因為個部位唔太屬於腩位, 口感同肥美程度有分別。反而海鮮丼就比預期中出色，高ＣＰ值!一個海鮮丼的刺身份量夠哂足料，淨係海膽都已經佔左成1/3碗，仲有油甘魚同甜蝦！刺身海膽非常新鮮，毫無異味，而油甘魚亦厚切大片，非常滿足兼好食的一個海鮮丼，個人覺得比壽司更為出色呢朋友推介的玉子燒，今次點的係鰻魚芝士玉子燒。上面配有紫菜同少量木魚，令成個玉子燒味道更出。芝士鰻魚半溶狀態，混合埋玉子燒的雞蛋香同香滑口感，唔錯～而且都幾大份嫁～