火山石石鍋手打烏冬專門店 (Closed)

今日同老公去試食呢間手打烏冬, 佢o地好得意, 會問晒你姓乜, 電話幾多號, 然後就叫你去行下街先, 有位會call我地. 咁好啦... 我地就去左OK便利店飲野嘆冷氣. 跟住有位就入去食. 呢度有幾款唔同的湯底 - 豬骨湯, 黑胡麻湯, 咖哩湯和辛辣湯. 本來心大心細要黑胡麻湯定地獄湯, 因為地獄湯比較吸引我的是石地獄手打烏各 (鮮蠔配大蜆), 但我唔食鮮蠔, 咁問下Waiter可唔可以轉晒o的蠔做大蜆, 好彩最後話可以... 所以立即要呢個. 咁老公原本想要銀鱈魚豬骨湯手打烏冬, 但因為銀鱈魚賣晒... 老公見我原本想食黑胡麻湯, 所以最後要左個火山石燒黑胡麻極上牛肉手打烏冬. 我地以為黑胡麻是之前在大家樂食牛肉火鍋時沾的醬汁味, 但原來真係好似芝麻糊咁的味.... 我唔太鍾意. 好彩老公食. 如果唔係, 浪費晒!下次要試下咖哩湯底, 因為聞到人地o個o的好香!!