Video
Read full review
2025-05-12
208 views
旺角呢間泰國菜長期都好多人排隊，今日專登早啲到，6:00pm黎到唔洗排,哈哈哈。雖然唔洗排隊，不過入面嘅人已經坐滿左半間舖。網上見到嗰個特色篤篤車位都有人坐，冇得打卡lu。不過望住室內嘅佈置同埋廚房大半數嘅泰國廚師，都有一瞬間去咗🇹🇭泰國嘅感覺😆今次同朋友仔點左：冬蔭功湯$138冬蔭功湯酸味比較重，我食開小辣嘅都唔覺辣，應該係迎合返香港人嘅口味，夏天熱辣辣，飲返個冬蔭功湯開胃下，而且佢啲材料都多，貝類揀左出黎裝埋都有一碗架泰式牛肉炒河粉$78呢款幾有鑊氣喎，唔似平時港式乾炒牛河食完咁多油，又唔會太少油搞到痴埋一舊舊咁，加埋啲炸蒜蓉食落幾香口泰式牛肉船麵（金邊粉）$88碗麵鋪滿我好鍾意食嘅卜卜脆呀（即係炸豬皮），哈！碗麵嘅湯底非常非常濃郁，適合重口味嘅朋友仔。炭燒牛小扒$148塊牛扒燒得岩岩好，唔會太乾，又唔會太生流血水咁，肉夠嫩仲切好細細件咁，可以一啖一件。芒果糯米飯$58我嘅至愛芒果糯米飯😍！！欣賞佢嘅飯唔係硬，係暖暖地嘅，最怕食雪到又凍又硬嘅嗰一種。加埋啲甜椰漿同綠豆仁脆脆地咁，口感好豐富☺️餐飯食到一半已經睇見外面嘅人龍，想試又唔想排好耐嘅朋友仔記得book位或者避開食飯高峰期早啲
今次同朋友仔點左：
冬蔭功湯$138
冬蔭功湯酸味比較重，我食開小辣嘅都唔覺辣，應該係迎合返香港人嘅口味，夏天熱辣辣，飲返個冬蔭功湯開胃下，而且佢啲材料都多，貝類揀左出黎裝埋都有一碗架
泰式牛肉炒河粉$78
呢款幾有鑊氣喎，唔似平時港式乾炒牛河食完咁多油，又唔會太少油搞到痴埋一舊舊咁，加埋啲炸蒜蓉食落幾香口
泰式牛肉船麵（金邊粉）$88
碗麵鋪滿我好鍾意食嘅卜卜脆呀（即係炸豬皮），哈！碗麵嘅湯底非常非常濃郁，適合重口味嘅朋友仔。
炭燒牛小扒$148
塊牛扒燒得岩岩好，唔會太乾，又唔會太生流血水咁，肉夠嫩仲切好細細件咁，可以一啖一件。
芒果糯米飯$58
我嘅至愛芒果糯米飯😍！！欣賞佢嘅飯唔係硬，係暖暖地嘅，最怕食雪到又凍又硬嘅嗰一種。加埋啲甜椰漿同綠豆仁脆脆地咁，口感好豐富☺️
餐飯食到一半已經睇見外面嘅人龍，想試又唔想排好耐嘅朋友仔記得book位或者避開食飯高峰期早啲入座啦。
Post
