大喜屋 (Closed)

追追趕趕，忽高忽低，唔知點解，到最後總係黎番食放題！😂有種習慣又真係無咁易改變！今次去咗銅鑼灣黃金廣場樓上嘅大喜屋。唔講都唔會唔記得想當年第一次嘅放題就係呢一間！😩今次最快嚟到嘅就係刺身，有北海道鮮帶子，三文魚，甜蝦......其中最鐘意就係佢個北海道鮮帶子同三文魚！帶子好鮮甜爽，三文魚肥美！ 之後嚟嘅有火炙壽司！火炙鰻魚、牛肉壽司同燒帆立貝都keep得到想當年嘅水準！😊不得不提燒帆立貝！呢個真係無得頂！ 帆立貝又鮮甜 沙律醬味又重！ 正！之後仲叫咗天婦羅、手卷、牛柳粒都好好食！加埋當想當年嘅回憶，仲好食！ 最後同想當年一樣，叫咗啲泡芙、法式燉蛋 同埋牛乳布甸做甜品！ 大滿足！ 有時食野除咗食味道，其實加埋啲回憶一齊食，都可以話有另一番嘅體會，特別係當你身邊嘅人同事都已經改變！😩