Video
Read full review
2020-11-14
779 views
💛💛💛竹地小館💛💛💛又係一間食左十次都有既餐廳，又平又抵食又好食，無得輸😍😍！仲要係油尖旺，好方便😍😍！店內座位唔多，大約八個位左右，佢主要都係做外賣生意。我相信因為食餃子轉流都非常之快，就算等位都係等一陣就可以啦。信我啦，真係值得等架，我試過等過15分鐘。今次兩個人食，嗌左一個麵，十隻煎餃，十隻湯餃，一個麻醬豆腐，一支津路。蔥油撈麵 $20麵質好煙韌，唔會煮到淋晒。蔥油唔會好鹹，呢個做得非常之好。不過以前食過係更加多蔥油，今次食落好似唔係好夠蔥油。都夠味既，希望下次會多返啲啦😂😂。另外仲跟埋一個蘿蔔湯，蘿蔔好甜，但識落有少少渣，問題不大，唔會過份到要lur出黎。分量方面唔夠一個人食飽，所以大家要額外再食餃子，又或者係食雞扒蔥油撈面$30。湯韭菜豬肉餃 $35每次黎到都會嗌，因為真係好好食。隻韭菜餃裏面係充滿住韭菜嘅，當然豬肉既份量都唔少😂。個湯非常之好飲，我本身以為個湯只不過係用嚟裝住啲湯餃，充滿住粉味，會唔好飲。事實上唔係，個湯係飲得架！唔洗湯餃水！另外，我哋之前多數嗌韭菜煎餃嘅，因為貪韭菜煎出嚟會好香脆，今次神推鬼龍我哋嗌左韭菜湯餃，都唔錯，不過下次可能嗌返煎餃，韭菜味更出更香😛
又係一間食左十次都有既餐廳，又平又抵食又好食，無得輸😍😍！仲要係油尖旺，好方便😍😍！店內座位唔多，大約八個位左右，佢主要都係做外賣生意。我相信因為食餃子轉流都非常之快，就算等位都係等一陣就可以啦。信我啦，真係值得等架，我試過等過15分鐘。
今次兩個人食，嗌左一個麵，十隻煎餃，十隻湯餃，一個麻醬豆腐，一支津路。
蔥油撈麵 $20
麵質好煙韌，唔會煮到淋晒。蔥油唔會好鹹，呢個做得非常之好。不過以前食過係更加多蔥油，今次食落好似唔係好夠蔥油。都夠味既，希望下次會多返啲啦😂😂。另外仲跟埋一個蘿蔔湯，蘿蔔好甜，但識落有少少渣，問題不大，唔會過份到要lur出黎。分量方面唔夠一個人食飽，所以大家要額外再食餃子，又或者係食雞扒蔥油撈面$30。
湯韭菜豬肉餃 $35
每次黎到都會嗌，因為真係好好食。隻韭菜餃裏面係充滿住韭菜嘅，當然豬肉既份量都唔少😂。個湯非常之好飲，我本身以為個湯只不過係用嚟裝住啲湯餃，充滿住粉味，會唔好飲。事實上唔係，個湯係飲得架！唔洗湯餃水！另外，我哋之前多數嗌韭菜煎餃嘅，因為貪韭菜煎出嚟會好香脆，今次神推鬼龍我哋嗌左韭菜湯餃，都唔錯，不過下次可能嗌返煎餃，韭菜味更出更香😛。
煎粟米豬肉餃 $35
一如既往好食，粟米係原粒嘅，唔會食落去散修修，咬落去都仲係卜卜聲。之前試過食湯粟米豬肉餃，食落湯餃同煎餃嘅分別唔大。兩種都非常之好食，所以冇話建議大家叫湯餃定煎餃😚。
麻醬豆腐 $20
佢嘅麻醬豆腐係世界第一😇，原因係佢個麻醬係好濃既，並非平時喺超級市場買到嗰啲一支支既麻醬，再就咁倒落去。我覺得佢係加左啲特製備料落去。另外麻將豆腐上面仲有好多花生，平時出街食開嘅都係就咁淋啲醬上去就上菜，依到就唔同啦🤤！
埋單$118（無加一）
Post
