Hero's Friday (黃埔新邨) (Closed)

雖然我貌似成日食貴野，比人開始稱呼做「豪遊達人」其實我都唔係好豪唧，好似今日介紹呢個超巨型漢堡包，雖然要$93個，但佢份量幾乎係人地4倍份量咁厚！！！佢個名叫做Hero Burger 英雄漢堡！味道方面牛肉唔係加左好多調味，所以食到啖啖牛肉香，好正！無蓋過佢嘅肉味真係好值得一讚！中層仲夾左厚煙肉、煎蛋、芝士、蕃茄、生菜、蛋黃醬，好Juicy咸香，勁惹味，不過頗咸，因為塊煙肉好厚，我個人食左半個漢堡已經飽左，因為真係太厚🤣🤣🤣另外再叫左個炸雞漢堡，塊炸雞一樣咁厚，炸完仲好滑，真心讚😍味道都好好食，有芝士、蕃茄、沙律醬，好清爽！不過味道唔算好特別，但勝在脆又滑☺️