由於我係明太子意粉狂熱者，就叫咗香煎帶子明太子忌廉汁意粉，估唔到竟然有三文魚籽，少量菇，同埋勁多紫菜，成個賣相勁日本feel😍帶子正常無雪味，嗰啲意粉煙靭，Creamy得來又唔會油膩，加埋啲三文魚禁籽，口感豐富。
紐奥良炸雞翅配明太子蛋黃醬，欣賞個醬汁係另上，咁就可以令炸到脆雞翼啖啖都有醬汁配搭。
日式和風章魚燒薄餅，餅皮非常薄而且好脆，上面有大量嘅木魚和紫菜，可惜章魚粒份量偏少，而且醬汁偏鹹，但份量好夠4人食。
季節限定 Niksen 芭菲—香印芭菲😍
賣相幾吸引，最低嗰層有雪糕，中間有厚肉多汁的香印同埋脆米相隔住上面嗰層再有2球雪芭，再加上好脆身嘅拿破崙。十分推介😍😍
