冒喜 (杜智臺)

Open Now

Now Closed

最近試咗間人氣冒菜店「冒喜」，佢哋嘅配料款式多，湯底香辣惹味，啲肉類新鮮度超高！牛魔王套餐真係牛嘢滿滿，個養生白胡椒湯底香辣溫和，啱晒唔食得辣嘅朋友。肥牛片肉質爽滑，油花分佈勻稱。潮汕手搥牛肉丸彈牙爽口，仲可以食到裡面嘅牛肉粒。黑毛肚同牛黃喉都好新鮮，爽到爆，配埋佢哋嘅秘製沾醬，香辣過癮！八贊套餐就走青二荊條湯底，麻辣香氣撲鼻！潮汕手搥牛肉丸同墨魚丸都彈性十足，滑雞片嫩滑多汁。最驚喜係個鴨血，入味唔散，食落香滑可口。魔芋片爽滑開胃，海帶結同萵筍爽口清甜，配埋個辣湯底真係好夾！小食方面，個涼拌酸辣土豆絲做得好有水準，酸辣開胃，絲絲分明，脆口爽滑。秘製滕椒魚皮整得非常之脆口，辣味香濃但唔會過頭，停唔到口！佢哋啲湯底唔會好似其他麻辣店咁死鹹，反而香料味濃郁，食完唔會口乾。