麻辣風雲 (Closed)

聽過「麻辣風雲」嘅大名好耐，最近佢哋喺旺角瓊華中心開咗新分店，終於約埋食得辣嘅朋友去試吓佢哋d川菜 🤩黎到「麻辣風雲」點可以唔嗌佢哋嘅招牌菜酸菜魚 😚 自家醃製嘅酸菜配搭軟嫩緊緻嘅魚片同Q彈滑溜嘅薯粉，酸辣惹味 😆😋另一款幾乎枱枱都點嘅就係炸饅頭 😁 炸饅頭外脆內軟，清爽唔油膩，點埋煉奶真係一流 🤤除咗炸饅頭，「麻辣風雲」嘅其他小食都好吸引，例如虎皮尖椒、燒椒皮蛋 🤭 涼拌雞絲粉皮嘅粉皮份量好多，不過雞絲同青瓜絲就偏少 😂薑蔥蠔嘅蠔應該沾咗炸漿炸過，外層有咬口，好似咕嚕肉咁 😛 薑蔥味好香，d蠔又有鑊氣，整體唔錯 😘