川霸王 (Closed)

黎左觀塘工業區呢頭 落大雨就入左黎鴻圖中心搵食啦～鴻圖中心地下呢層其實有d似food court😂都幾多打工仔黎買外賣呢間川霸王專出米線👅係正門門口第一間～🍜霸王粉麵 $55呢個價錢包左湯底、麵底同自選三款餸試左兩款湯底 麻辣同酸辣🤭食得🌶️既話真係推介食麻辣湯底！麻辣既麻好勁 係食完一啖就會感覺到嘴唇少少麻痺 但又唔會辣到流鼻水隨意咁點左幾款配料 鴨血、羊肉、鮮牛肉、香腸呢d當然有啦😋＋$18仲可以配埋霸王孜然雞翼同飲品！飲品有汽水或冷泡茶🍵仲要連冷泡茶都有兩三款揀🤪我就揀左玫瑰鐵觀音 養顏明目🥹孜然雞翼好香脆🤭肉質又滑 係土匪雞翼之外既一個alternative 都唔錯😂