招牌手撕雞 (Moved) New Location

係ubereats叫左個手撕雞配涼拌青瓜雲耳冷麵少麻辣，黎到既時候d醬多到嚇左嚇。本身都驚d醬會浸到d麵淋晒，點知又無喎麵好幼身，同d青瓜既粗幼差唔多，口感幾一致。雖然我叫左少辣，係幾惹味既，但越食越辣，辣到完全食唔到手撕雞味。手撕雞份量唔算少，但d雞都好韌下，好多舊到好似香口膠。又無味又韌，你話咁樣就係招牌手撕雞又有d弱左少少。唯一好食既係雲耳，係麻辣醬味咁突出既情況下都食到佢既調味。不過食得出果種係味精味見其他openrice食評話佢d雞幾嫩，但我自己就好失望。價錢唔貴但連自己既招牌都未做好，出面好多小店都好食好多。