雙辣 (Closed)

今日嚟到屯門嘅GoGo Mall，周圍睇吓有咩好食先，雙辣，食辣嘅聽到個名都流口水，一於試吓啦！好，坐低睇吓有咩好食先！紹興酒糟醉雞，酒味濃郁，雞皮爽口，雞肉食落好滑，正！鎮江糖醋小排骨，排骨沾上酸酸甜甜嘅醬汁，醬汁夠濃稠，可以掛喺排骨上面，一口一件，唔錯！蒜蓉炒時令蔬菜，菜心幾靚，冇渣，食落鹹鹹地，夠蒜香味。水煮飄香毛血旺，好豐富，有牛肚，毛肚，豬大腸，魷魚，仲有我最鍾意嘅鴨血。牛肚咬落爽脆，幾重牛味，魷魚彈牙，鴨血入口滑捋捋，最後食埋吸收晒湯汁精華嘅苕粉，正！