百味川 (Closed)

有時太夜收工，吾知食咩好，又口淡淡喎。今日經過葵涌廣場，見到有一間餐廳，9點幾都未關門，就入去試下。坐低之後，睇咗一陣餐牌，由於口淡淡嘅關係，我想叫一啲味道比較濃嘅食物。我見到有自選米線，湯底竟然有番茄濃湯選擇，啱晒宜家呢個狀態嘅我。我同女朋友一人叫咗一碗米線，女朋友要咗冬菇同埋豬頸肉，冬菇非常大隻，好有冬菇味。而我就要左柱候牛腩同埋煎雞扒，雞扒新鮮濺起香脆可口。柱候牛腩炆得非常入味，而且牛腩非常鬆軟，入口即溶嘅感覺，非常好味。出乎意料之外，佢個番茄湯底落咗好多新鮮蕃茄烹調，番茄湯都有濃郁嘅蕃茄味，仲可以食到好多蕃茄肉，番茄湯控真係要黎試吓😍另外，佢個小食都做得非常出色，手撕雞既雞肉唔會太韌，配上青瓜一同進食，口感非常之好。提一提大家，手撕雞辣度算高，食得辣嘅朋友可以一試👍🏻👍🏻我同女朋友重叫左兩杯野飲，估吾到有涼粉冰同埋恐龍華田👍🏻 以為得檸茶飲😂😂晚夜放工既大家，都可以去試下👍🏻