串串貢 (Closed)

呢間《串串貢》湯底係全無添加劑湯底，有兩款湯底可以揀當然有正宗重慶麻辣同豬骨火鍋湯底，麻辣湯用左十幾款重慶原料，老闆娘堅持每日炒辣椒🌶 ，食落辣度十足，貨真價實包你噴火🔥！/入座後每枱都會送時令海鮮，例如蠔,東風螺,蜆等等，其他火鍋配料就係自助形式，所有肉類、丸類、蔬菜類都用竹纖串好，整齊乾淨放入雪櫃自取，亦有最入味既薯粉，最鐘意就係麻辣牛肉串，辣得過癮😛！滷水類都好多選擇、豬大腸、豆腐、雞亦尖滷得入晒味，加加埋埋多達65款食物選擇👍🏻/飲品一般汽水、紙包飲品亦有提供，兩個鐘絕對夠晒食，最後落埋個出前一丁真係飽到上心口😛！