黑鉄屋 (Closed)

今天我又系忙忙碌碌咁就過咗一日喇，一日到頭只不過系為咗三餐啫，所以晚上落班之後梗系唔可以委屈自己喇，好好慰勞下自己先至岩，約上三兩知己就可以渡過一個happy嘅夜晚喇。黑鐵屋系一個朋友屋企附近，據說麵食比較正宗。我要咗雞肉串燒，一份嘅話，大概系只有兩串吧，而且雞肉都未算多，不過味道系比較正嘅，雞肉無老無嚡，而且仲好有彈性，熱氣就熱咗小小，但系真系好香嘴嘅，每一啖雞肉都覺得好有味咯。麵食嘅話我就食咗下金兵衛，成個麺睇落就非常的吸引人，好香，湯底都系好濃郁嘅，絕對唔會系清淡，鐘意清淡嘅就揀其他啦，麵條系最重要嘅，金兵衛裡面的麵條系細麵條，所以系可以好入味嘅，解決咗平時食面但系麵條無味嘅尷尬場面，重要好鐘意嘅蛋，果然拉麵同佢先系最夾嘅。銅兵衛就比較清淡啲，加蔥花之類嘅配料之後有種淡淡嘅甜味同清新感，湯底都好好飲。