Video
Read full review
2022-03-26
21 views
作為沾麵fans已多次踩地雷，我嘅要求係個汁要夠杰，麵要夠粗可以掛到湯，hmm，都難搵。今次呢間好啱我口味， 裝修仲好有日本氣氛，有靚靚嘅燈籠，有啲似某年去沖繩solo，無啦啦喺街邊搵到嘅嗰間居酒屋-⁽ -´꒳`⁾-。𖦹 神匠蕃茄蝦湯沾麵 $128 🉐湯汁非常濃稠，似茄膏嘅質感， 茄味濃郁，蝦鮮味亦突出，兩者平衡得宜；加上櫻花蝦作點綴，口感up。可惜裝湯嘅器皿保溫效果普通，啲湯到後期唔夠熱，稍微失色。麵條用上粗身、偏硬嘅凍麵，份量勁多， 配上熱湯同吃，掛湯又彈牙。最得意為其中一配料 -- 自家製嘅羅勒醬多士，點湯嚟食有啲食西餐feel。叉燒粉嫩而且超大片，成碗麵色彩繽紛，賣相甚佳。𖦹 黑蒜蝦湯拉麵 $88一上枱就飄來陣陣黑蒜味，吸引，但食落蒜味唔算濃郁。用上同沾麵唔同嘅黃色麵，同樣彈牙，配料同沾麵差唔多，溏心蛋浸咗湯之後更為入味。𖦹 炸日式餃子 $32外皮香脆，餡料飽滿，佐麵佳品。
作為沾麵fans已多次踩地雷，我嘅要求係個汁要夠杰，麵要夠粗可以掛到湯，hmm，都難搵。今次呢間好啱我口味， 裝修仲好有日本氣氛，有靚靚嘅燈籠，有啲似某年去沖繩solo，無啦啦喺街邊搵到嘅嗰間居酒屋-⁽ -´꒳`⁾-。
𖦹 神匠蕃茄蝦湯沾麵 $128 🉐
湯汁非常濃稠，似茄膏嘅質感， 茄味濃郁，蝦鮮味亦突出，兩者平衡得宜；加上櫻花蝦作點綴，口感up。可惜裝湯嘅器皿保溫效果普通，啲湯到後期唔夠熱，稍微失色。麵條用上粗身、偏硬嘅凍麵，份量勁多， 配上熱湯同吃，掛湯又彈牙。最得意為其中一配料 -- 自家製嘅羅勒醬多士，點湯嚟食有啲食西餐feel。叉燒粉嫩而且超大片，成碗麵色彩繽紛，賣相甚佳。
𖦹 黑蒜蝦湯拉麵 $88
一上枱就飄來陣陣黑蒜味，吸引，但食落蒜味唔算濃郁。用上同沾麵唔同嘅黃色麵，同樣彈牙，配料同沾麵差唔多，溏心蛋浸咗湯之後更為入味。
𖦹 炸日式餃子 $32
外皮香脆，餡料飽滿，佐麵佳品。
Post
