麥當勞 (新望大廈)

Open Now

Now Closed

麥當勞久別多時嘅將軍漢堡系列又返嚟，呢款口味一向都好受大眾歡迎，我幾乎每次推出都會買嚟食，呢次當然唔例外。 呢年嘅紙盒設計都幾花心思， 包紙上面仲有大大個將字， 圖案都幾和風嘅感覺。兩片芝麻麵包夾住輕輕蘸上日式照燒汁嘅豬柳，醬汁偏甜兼有微微辛口嘅薑味，再加上切絲生菜，食起嚟嫩滑中帶爽脆。不過個子單薄偏少，食完仍然覺得好似爭少少嘢咁，如果下次再食嘅話，應該會買玉子將軍漢堡，多塊蒸蛋感覺好似比較豐富。跟餐嘅脆薯皇即係連皮嘅炸薯角，外脆內軟熟，雖然取代唔到我鍾意嘅扭扭薯條，但就比普通嘅薯條更香脆惹味。