炯記手撕雞 (汝州街) (Closed)

耐唔耐就會去深水埗購物，呢日都係，同朋友一齊👫，購物之前要先醫肚😅，大家都想簡單快趣食一餐然後 shopping，咁我都冇乜點諗啦，就決定帶朋友嚟呢度開餐，因為印象中平靚正😆曾經喺度食過二人套餐，今次就散叫😆，不過都係 share 嚟食😊：- $70嘅「炯記四寶撈麵」：「四寶」包括 牛腩、牛肚、豬手🐷🖐、手撕雞🐓😋，牛腩牛肚同豬手都炆煮得好腍😊；再加埋幾彈牙嘅「鵝油撈麵🍜」，食到朋友同我都好暢快😆；另加 $14 叫咗「鵝油生菜🥬」😋；再加 $7 要「鹹檸七🍋🥤」😆- $68 嘅「鹽焗手撕雞🐓（例牌）」：手撕雞🐓有鹹鮮味，仲加咗白芝麻同埋好似落咗麻油添，所以幾香😊；例牌份量都算幾多，啖啖肉🤩- $40 嘅「口水醬手撕雞🐓腸粉」：口水醬辣辣哋，撈埋手撕雞🐓，味道濃郁，又另一種食法😋；腸粉白雪雪滑脫脫😆，加埋甜辣醬，幾惹味😋；腸粉連口水醬手撕雞 一啖擺晒落口😆，感覺非常豐富😆朋友同我都食得飽飽😋，開心 shopping 去😆