一粥麵 (大本型)

Open Now

Now Closed

夜晚9點半黎到。見到有宵夜套餐。揀左雲吞麵+炸鯪魚球。$33。去到等拎餐。等左好一陣子先講冇哂鯪魚球。咁就唯有轉時菜走油。見佢好快就淥左碟菜出黎。之後等碗麵又再等左成15分鐘。其實當時絕對唔多食客。個湯冇雲吞麵應有嘅香味。就係普通味精湯。食個麵時發現完全唔掂。雖然麵好爽口。不過鹼水味超重。咬多兩啖啲苦味就出晒嚟。雲吞有5粒。包到有鳳尾。蝦亦都爽口。不過味道係超市買急凍貨嗰啲味。明白對快餐店唔可以有太高要求。不過餐廳餐盤張紙係用雲吞麵做selling point。自然有啲期望。不過落差真係太大。