阿鴻小吃 (Closed)

朋友約去阿鴻小吃, 為的是其”名氣”, 怕人多6:30pm便到, 遠遠已見人龍, 原來人龍分左右, 一邊排隊買外賣, 外賣人龍不絕, 利害! 幸好堂食的人唔算多, 2人等了約5分鐘便可。 店內座位不多, 不設搭枱, 2人俾4人枱, 不似有些食店坐到迫迫的, 其實以個人認為其實收銀旁放冷盤的長枱位置可以加多兩張細枱, 縮短輪候時間, 可能做外賣仲化算啦! 洗手間整潔闊落, 整體感覺很好! 平反…d亞姐態度ok噃, 對我們第一次幫襯的客人有問必答。點了以下菜色:1. 鹵水鵝片併鵝腎 : 夠入味夠滑又唔”鞋”, 正! 2. 招牌撈麵: 45蚊, 細細碟, 我個人覺得一般, 朋友則說失敗, 因為食到鹼水味, 更感到嗆喉! 3. 醉香鴨舌: 唔夠酒香4. 麻香雞腳筋: 特別, 味道幾好, 但40蚊1小碗(係透明塑膠啫喱杯嗰隻)有d貴5. 南乳粗齋 - 一般, 朋友說如果有白果仲正; 至於本人, 由於見住由一大盤炒定的”畢”上碟, 有d失望, 而且由炒定的”畢”上碟, 諗到諗到唔夠熱啦!2個人埋單270蚊, 鹵水鵝片真係正, 但唔會特登去, 又如果要排長龍就唔會等囉!