阿麥廚房 (Closed)

我同老婆間唔中都會過去銅鑼灣行下街，行到加路連山道附近原來都好多野食，之後我地選擇左D間西餐。大蝦占米多(一讚)原來將大蝦蝦肉切件，再加入蝦膏蝦醬等調味料炒起，再配埋自家制既沙律醬一起煮，惹味無比。香煎法國鵝肝配焦糖酒醋藍莓(一絕)鵝肝煎得好脆好香配埋脆卜卜既多士，再埋個藍莓一齊食，味道到夾。特別欣賞個藍莓，唔會整到淋左冇哂口感。蟹肉南瓜忌廉湯(一絕)個南瓜湯裡面原來有唔少蟹肉，飲落好重南瓜味同蟹味，又香又滑，個人比較喜歡D個湯多些。黑松露菌忌廉湯忌廉湯好香滑，加有blend好的黑松露菌，一粒粒加強口感！每一口都有黑松露。香草忌廉煙三文魚闊麵(一絕)見到個闊麵來了，個闊麵煮到岩岩好。煙文魚既咸味連同忌廉闊麵一齊食，味道再加分，這個簡直是推介作品。德國式燒咸豬手德國豬手的外皮非常香脆，很入味，啖啖豬手嫩肉帶點油脂，很香軟而不過硬。調味過的薯條非常香口。