美中·鴨子 (Closed)

一行八人喺海港城可以食啲咩呢，今次就去咗有大海景嘅美中鴨子試一試佢嘅中餐。不得不提嘅係要食就真係要等，我哋差唔多等左一個鐘頭先至有位，入到去其實個餐廳都真係唔細，大大話話有成20,30台，但係可能人真係太多冇辦法唔使等。我哋大約叫咗四至五個餸，一定要叫嘅就梗係片皮鴨啦，仲叫咗羊脾，百頁，炸醬麵，炒飯等等。個羊脾睇得出佢用咗好多香料嚟整，又唔算好酥啖啖肉，個片皮鴨就喜出望外咁多嘅薄皮，通常食親片皮鴨都係食淨啲鴨㗎嘛，但我哋反而係食淨啲皮。但整體來講都好好食10分唔錯。最後甜品我哋叫咗三個炸雪糕，分別有香蕉味，朱古力味，同雲呢那味，估佢唔到又整得幾好食喎。