秘 (享成街)

Open Now

Now Closed

今次鰻魚飯fans黎到荃灣搵食，呢間名為”秘”日式小店位於荃灣廣場斜對面既一條小巷中，見到一大個”秘”字喺間店門中就代表你去岩地方。不時經過都見門口好多人排隊等門。今日特意放工預早時間放工立刻出發去呢間店鋪心諗無死，點知都等左幾張枱先有位。話雖叫佢鰻魚飯秘境，但其實佢既主打菜仲有板燒牛，但我今次都係鍾愛鰻魚飯，點餐叫左佢既浦燒原條鰻魚飯。鰻魚飯以盒伴一塊葉盛住，飯既軟硬算適中，浦燒原條鰻魚上加左適當既木魚碎唔算太咸。而鰻魚汁食落味道唔似係直接平時超市買既鰻魚汁，食得出有烹調過。鰻魚同飯既味道同份量都唔會有太大挑剔，而唯一可以講既係環境方面。因不少食客都會叫板燒牛餐，而店內的抽氣不算強，所以要注意黎食既朋友好可能食完會身隨一陣燒烤味咁走。