Coti (沙咀道) (Closed)

我最鍾意就係食滑蛋鰻魚飯😚啲蒲燒汁甜甜地 撈飯都夠食2碗!!Coti呢度既鰻魚仲要係超長!! 食極都有滑蛋上面淋左啲醬汁同加左紫菜碎 mix埋一齊食不得了～ 蛋香濃 非常滑 鰻魚燒得剛好 魚肉腍身得黎又有彈性👍🏻無骨 可以放心食～朋友食左紅酒燉牛肉飯 佢既燉牛肉好腍身啊!好大份 又入味 一啲都唔嚡口 而且痴住既牛筋位好香唔韌 日式紅酒汁都可以撈飯食 超正❤️.呢度既咖啡款式好多 試左特別既🍯天然蜂巢咖啡～有原粒蜂巢 由於係熱飲 店員會將熱牛奶同咖啡另上 以免令蜂蜜變酸😋非常貼心呢～Latte 就有靚靚拉花 心情大好之選。