味道樂居酒屋 (元州街) (Closed)

呢排不時喺facebook見到雜誌介紹呢間餐廳嘅全條鰻魚飯，鰻魚迷當然要來一試。主角:鰻魚飯鰻魚飯的確好大條，燒得不錯，但汁偏咸，應該話都幾咸，加上佢啲飯唔多，係唔夠飯送咁咸嘅魚咖。不過單計鰻魚嘅大細，係完勝的，唔怕咸嘅人可以一試。另外，成個鰻魚飯都係微暖嘅，唔算熱辣辣，唔知點解。另叫咗:富士蘋果魚子沙律呢個好食，蘋果幾香甜，fresh，推介，仲有小紅薯，略嫌用沙律醬太甜，可考慮轉用黑醋。另外見好多人點荔枝煙肉卷，但我見燒得一般，所以無嗌。由於飲咗一大杯latte先來，無嗌好多嘢食，整體來講，食物不錯，但不要expect太高，而且上餐次序有待改善，今次係上咗鰻魚飯先，之後先上沙律，諗得唔夠周到。