炭家 (Closed)

中環歌賦街無疑係雲集美食高手嘅好地方，呢日頂住惡毒太陽🌞都要行過嚟食lunch，皆因呢度有間評價幾好嘅鰻魚飯專門店炭家，採用日本空運直送活鰻魚🐟炮製出不同定食，好似白燒／蒲燒鰻魚飯🍱鰻魚蛋卷🍳鰻魚串燒🍢等，原來鰻魚都可以有不同變化。係半開放廚房可以見到師傅密密地係爐上燒鰻魚呢。鰻魚。重茶碗蒸、小砵、日式清湯、白飯小砵係鰻魚粒製成嘅啫喱，未見過咁整，好特別😆😆酸酸地幾開胃。茶碗蒸屬於較挺身質地，都加咗鰻魚粒。清湯加入本菇、昆布等，清清地適合飯後飲😗😗白燒鰻魚採用白燒方法，可以品嘗到鰻魚嘅原汁原味。大條鰻魚啖啖肉，連細碎嘅骨都食唔到（呢個要讚🫶🏼）魚皮燒得香脆🔥魚肉亦燒得剛好，肉質實在不會腍咗。鹽燒嘅鹹香加上炭火香氣，比起坊間一般鰻魚飯個種普通鰻魚汁嘅單調味道，呢個看似簡單但有層次得多😋😋想更添層次，可以加點wasabi、山椒粉或經典鰻魚汁。山椒粉獨特香氣直通鼻孔🤣撈埋鰻魚汁居然撞出酸酸辣辣嘅味道🤪人均消費：$450推介指數（10分為滿分）：8分