定食8 (Closed)

定食8門口張原條鰻魚飯海報吸引左入去. 打開餐牌也有不錯的選擇，但最後還是先試鰻魚飯。裝修後加上疫情，無左時限出餐，幸好都唔使等太耐， 出餐時間合理，依舊自助拎熱水，眼見有人無戴口罩就出去，又講野傾計咁，真係要自求多福。原條鰻魚芝士蛋包飯（$68）果然夠吸睛， 長長一條舖在蛋包飯上，我唔客氣喇。。 。。咦，條鰻魚凍既，應該係話好微熱，嚴重影響左口感。明太子雞扒丼（$48）要求醬汁另上，雞扒大大件， 煎得香口， 雪味唔重，普普通通正常。雞粒唐揚兒童餐（$38）阿女期待已久的車車造型兒童餐，個泡芙原來內有雪糕，幾特別。雞粒有點太乾太硬。玉子壽司太過鬆散，未能成型，食得有點狼狽。個熊本熊布甸，阿女自私食曬，我估應該好好味。