不過一位朋友住鰂魚涌附近，為左就佢食飯，揀左呢度既一間餐廳食飯。
朋友話想今餐食得健康d，所以嚟呢度食蒸氣海鮮。
一個酒家既格局，分上下兩層，地方好大。上面做火鍋同埋小菜，下面就做蒸氣海鮮。
除左散叫之外，餐廳已經準備左套餐，價錢合理又唔駛煩點叫好。
最後叫左套餐B $398
生猛花竹蝦
拆開蝦殻既時間已經感覺到蝦既新鮮，蝦肉入口爽口彈牙，而且又大隻。
美國石蠔
石蠔十分大隻，食落啖啖肉，夠肥美。
朝鮮北寄貝，貴妃蚌
朝鮮北寄貝，貴妃蚌都比蜆既體積略大，更肥美多肉。朝鮮北寄貝特別既係肉身會見到有少少紅色。
蘇格蘭特大聖子
聖子爽口，加左蒜蓉粉絲去蒸，食落口感豐富。
日本大元貝
大大隻元貝。
本灣奄仔蟹
蟹唔算大隻，但見到黃色既羔，我知道要將重點由蟹既大細，放番落羔度。蒸完之後既蟹羔，依然滑溜，入口舒服。蟹羔雖然未至於海量，但不論奄仔蟹蓋，蟹身都見到有蟹羔，我已經好滿足。
粟米
粟米有咬口，但感覺好似唔夠甜。
和牛粒
和牛粒都幾大粒，入口有口感，又唔韌。
新鮮排骨南瓜粥
最後食既係南瓜排骨粥。之前蒸既咁多樣野既精華都落到粥裡面，再加上個多小時，粥已經煮到綿身，食之前可以先加榨菜，芫荽同埋蔥，令鮮味更突出。唯一美中不足既係粥既水仲係多左少少。
本身以為全部海鮮，份量唔多，會唔會唔飽。原來呢個份量食完真係好飽，連想轉場食個糖水既機會都無。
