The Porter (Closed)

The Porter 係One Island East 嘅地下，周圍都係巨大嘅落地玻璃，彩光度超好，有梳化卡位凳，吧枱位，又有普通枱，亦有大大會議枱⋯⋯各適其適，幫襯嘅都係商業大廈或者附近返工嘅人，亦有好多人不停會嚟外賣咖啡，所以咖啡師好忙碌，不過因為呢度空間感超大，所以坐喺度飲咖啡嘅就仍然感覺悠閒舒服😎如果喺附近想坐低飲杯咖啡或者搵個地方做吓嘢，呢度真係一個好好嘅選擇試咗佢哋嘅手沖，Bolivia La Paz Finca Isabel Geisha washed- 咖啡師會配上適合嘅杯令到咖啡香氣更出，果然一開始已經聞到濃郁嘅Jasmine香氣，熱飲嘅時候一入口就飲到blackcurrant，稍為放涼之後入口便散發濃郁柑枯味道👍🏻Carrot cake- 好鍾意佢哋嘅carrot cake，一般嘅紅蘿蔔蛋糕偏硬同實，但佢哋嘅相對比較軟熟，而食嘅時候連同佢面上嘅Cream cheese，令口感更加濕潤👍🏻