香港第一次食鯛魚湯拉麵應該係沙田新城市「我武者羅」曾推出鯛出汁雞白湯拉麵，魚鮮味同雞湯配合得自然，味道有層次，十分推介，可惜已經沒有賣。
今次試試座銀𣄃下新開鯛魚拉麵，試業期間只有一款「鯛清湯」，下星期推出第二款「鯛白湯」，下個月出沾麵。
門口等了約45分鐘，入座時，師傅已經製作緊我個碗麵，拉麵上枱，影完相，立即開動，有食過都知趁熱食，凍左就腥。
一黎飲啖純魚湯，簡單直接，好鮮味！叉燒只有一塊，味道不錯；三角形圓形筍爽口；麵質普通！整體中上，不過對重口味嘅我，略兼冇咩驚喜，魚皮偏硬，要放入湯浸浸，有一小碟鮮蠔油，職員話點魚皮食！燻製玉子偏咸，感覺一般！
中環地段，$138冇加一，份量夠飽，算少貴
😋
